Pas një pauze relativisht të gjatë gati 8-mujore, ku SHBA u distancua nga punët e brendshme të Shqipërisë, duket se administrata Trump ka filluar të vihet në lëvizje.
Kreu i SPAK, Altin Dumani, është thirrur ditën e sotme në Departamentin Amerikan të Shtetit. Lajmi është bërë vetë i ditur nga DASH-i, ku bëhet me dije se në orën 16:30 me orën lokale, Zyrtari i Lartë i Byrosë për Çështjet Evropiane dhe Euroaziatike, Brendan P. Hanrahan takohet me Shefin e Strukturës Speciale Shqiptare Kundër Korrupsionit dhe Krimit të Organizuar, Altin Dumani, në Departamentin e Shtetit, thuhet në faqen e Departamentit Amerikan të Shtetit.
