Të dielën, më 7 shtator 2025, një eklips i plotë hënor do ta shndërrojë Hënën e plotë në një disk të madh ngjyrë të kuqërremtë, të njohur ndryshe si Hëna e gjakut. Ky fenomen qiellor i rrallë dhe spektakolar do të mund të admirohet me sy të lirë, pa pasur nevojë për teleskop.

Pse Hëna bëhet e kuqe?

Një eklips i plotë hënor ndodh kur Toka vendoset saktësisht mes Diellit dhe Hënës. Drita e drejtpërdrejtë e Diellit nuk arrin më te Hëna, e cila zhytet në hijen e Tokës. Megjithatë, një pjesë e rrezeve të Diellit kalon përmes atmosferës së Tokës, shpërndahet dhe ngjyros Hënën me tone të kuqërremta dhe bakri. Ky është momenti magjik kur shfaqet e ashtuquajtura “Hëna e gjakut”.

Ky është një fenomen mbresëlënës, që ndodh rrallë dhe në mënyrë të pabarabartë nëpër katër cepat e planetit. Eklipsi i ardhshëm i plotë i Hënës do të ndodhë të dielën, më 7 shtator 2025. Në Tiranë, vetëm fazat e fundit të eklipsit hënor total do të jenë të dukshme. Ndërsa ata që ndodhen në Oqeanin Indian do të kenë mundësinë ta shijojnë spektaklin në tërësinë e tij.

Hëna e kuqe do të nisë në orën 17:28. Rreth dy orë më pas, Hëna do të jetë plotësisht e zhytur në hijen e Tokës. Faza e plotë e eklipsit do të zgjasë 82 minuta. Në Shqipëri, pamja më e bukur do të jetë midis 19:30 dhe 20:52, kur Hëna do të duket krejtësisht e kuqe mbi horizont. Ky është një spektakël që nuk duhet humbur.