Artisti thotë se mbështetja dhe mirëkuptimi mes tyre e bëjnë më të lehtë balancimin mes jetës private dhe karrierës në ekran.
Peter Andre ka folur së fundmi për mënyrën se si i ka trajtuar skenat romantike në serialin e ri “The Sunshine Murders”, duke ndarë me publikun se çdo gjë është diskutuar më parë me bashkëshorten e tij, Emily MacDonagh. Këngëtari dhe prezantuesi 52-vjeçar interpreton rolin e patologut kriminal George Constantinou, i cili ndihmon në zgjidhjen e disa hetimeve misterioze në ishujt grekë, ku mes tij dhe detektives Helen Moustakas krijohet një kimi që po ngjall shumë diskutime te audienca.
Andre tregoi se përpara se të pranonte rolin, ai bisedoi hapur me bashkëshorten për çdo element të mundshëm romantik në skenar. “Gjithmonë jam përpjekur të jem transparent. I kam thënë Emily-t se çfarë mund të përfshijë roli. Edhe pse nuk kam qenë më parë në një situatë të tillë, është e rëndësishme që ajo të jetë e qartë për gjithçka”, shprehet ai.
Aktori sqaroi se seriali, megjithëse ka mister dhe momente romantike, nuk kalon kufij që mund të shkaktojnë siklet. “Ky është një program familjar, pavarësisht se trajton vrasje dhe hetime. Nuk ka skena intime të theksuara. Është më shumë tension emocional sesa fizik,” shtoi ai.
Interesant është fakti që Emily jo vetëm që e ka mbështetur bashkëshortin, por madje i ka dhënë edhe këshilla në përgatitjen e rolit. “Ajo më ka ndihmuar shumë. Kur partneri yt nuk është në të njëjtin profesion, ndonjëherë është sfiduese të kuptohet natyra e skenave romantike në teatër apo film. Por ne kemi një komunikim shumë të hapur,” u shpreh Andre.
Peter dhe Emily janë të martuar që prej vitit 2015 dhe së bashku kanë tre fëmijë: Amelia, 11 vjeç, Theo, 8 vjeç dhe Arabella, 20 muajsh. Këngëtari është gjithashtu baba i Junior, 20 vjeç dhe Princess, 18 vjeç, nga martesa e mëparshme me Katie Price.
Aktualisht, fansat presin me padurim të shohin nëse në sezonin e ardhshëm do të ketë zhvillim të lidhjes mes personazhit të Peter-it dhe detektives Helen, një nga fijet më intriguese të “The Sunshine Murders”.
About the Author
