Përplasja mes tre të rinjve në orët e para të mëngjesit degjeneroi në dhunë fizike dhe përdorim të thikës; policia mban të shoqëruar dy persona.
Një përplasje e nisur me debat verbal në zonën e Ujit të Ftohtë në Vlorë është kthyer në një episod të dhunshëm me pasoja të rënda. Rreth orës 04:00 të mëngjesit të së shtunës, tre persona janë konfliktuar në rrugë, duke kaluar nga diskutimet e ashpra në goditje me grushte dhe shkelma, përpara se njëri prej tyre të përdorte thikën.
Si rezultat, një prej të përfshirëve është plagosur rëndë dhe është transportuar menjëherë në spital në gjendje kritike. Mjekët kanë ndërhyrë në kohë dhe aktualisht ai ndodhet nën monitorim të specializuar.
Policia ka shoqëruar në komisariat dy personat e tjerë të pranishëm në incident dhe po punon për të zbardhur rrethanat e plota të ngjarjes. Paraprakisht dyshohet se sherri ka nisur për motive të dobëta, por hetimet vijojnë për të verifikuar secilën pistë.
About the Author
