Klorifikimi mbron nga bakteret, por studimet paralajmërojnë efekte afatgjata të dëmshme për shëndetin dhe rritje të mikroorganizmave rezistentë.
Në shumë vende të botës, përfshirë Shqipërinë, uji i rubinetit trajtohet me klor për të eliminuar bakteret dhe ndotësit. Në teori, klorifikimi është një metodë e domosdoshme për të parandaluar shpërthimet e sëmundjeve. Por në praktikë, ekspertët paralajmërojnë se ky proces ka edhe anët e veta të errëta, sidomos për shëndetin afatgjatë.
Që prej fillimit të shekullit të kaluar, klori ka luajtur një rol të rëndësishëm në shkatërrimin e baktereve të rrezikshme. Megjithatë, prania e klorit në ujë nuk nënkupton automatikisht që ai është i pastër. Shkencëtarët pohojnë se në çdo litër ujë rubineti gjenden miliona mikroorganizma, shumë prej tyre rezistentë ndaj trajtimit.
Që në vitin 1974, studimet treguan se nënproduktet që formohen kur klori përzihet me lëndë organike në ujë mund të jenë kancerogjene. Këto substanca lidhen me:
-
rritjen e rrezikut për kancer të fshikëzës;
-
probleme me sistemin riprodhues;
-
rrezik të shtuar për kancer të mushkërive dhe veshkave;
-
dëmtime afatgjata në organizëm sidomos tek gratë.
Një studim i Këshillit Amerikan për Cilësinë e Mjedisit thekson se pirja e ujit të klorifikuar mund të rrisë rrezikun e kancerit deri në 93%.
Edhe pse nuk mendohet shpesh, larja në pishina të klorifikuara është njësoj problematike. Avujt dhe substancat kimike që çlirohen gjatë klorifikimit mund të hyjnë në organizëm nëpërmjet lëkurës dhe frymëmarrjes, duke rritur barrën kimike.
Për shkak të përdorimit masiv të klorit, disa baktere po zhvillojnë rezistencë të lartë, duke bërë që sistemi i furnizimit me ujë të kthehet në një vatër të mikroorganizmave të fortë dhe potencialisht të dëmshëm. Ekspertët paralajmërojnë se klori, edhe pse metoda më e lirë, nuk është më zgjidhja më efektive afatgjatë.
Ndërkohë, autoritetet vazhdojnë të mbështeten tek kjo praktikë standarde, edhe pse kërkimet sugjerojnë se është koha të mendohet për alternativa më të sigurta për shëndetin publik.
About the Author
