Mbreti Charles miraton ndryshimet që formësojnë gjeneratën e ardhshme të monarkisë britanike
Princi William dhe Kate Middleton po ndërmarrin hapa të qetë, por të rëndësishëm, për të përgatitur djalin e tyre të madh, Princ George, për rolin e tij të ardhshëm si mbreti i së ardhmes. Çifti i Uellsit prej vitesh po e fut djalin gradualisht në jetën publike, në mënyrë që ai të mësohet me vëmendjen dhe përgjegjësinë që e pret.
Shfaqja e tij e fundit në Royal Albert Hall, gjatë Festivalit të Përkujtimit, përkrah nënës së tij Kate, sinjalizoi një ndryshim të madh në pozicionimin e tij publik. George, i cili kishte zëvendësuar të atin, Princin William, tregoi pjekuri dhe vetëqetësi që kanë tërhequr vëmendjen e ekspertëve mbretërorë.
Autori Robert Jobson e ka përshkruar këtë fazë si fillimin e një revolucioni të heshtur në monarki, duke vlerësuar qëndrimin e djalit 12-vjeçar si të drejtë, të përqendruar dhe plot vëmendje ndaj çdo detaji. Ai theksoi se paraqitjet e rralla, por të menduara me kujdes; përfshirë rolin e tij në kurorëzimin e Mbretit Charles, tregojnë se edukimi mbretëror i George po bëhet me kujdes dhe vizion.
Sipas Jobson, William dhe Kate po vendosin themelet e asaj që do të jetë gjenerata e re mbretërore: më e vogël në numër, por më e fortë në mision; më pak e distancuar, më njerëzore dhe më e lidhur me publikun. Ai i përshkroi vlerat kryesore të kësaj gjenerate të re si “të qetë, të aftë dhe transformuese në heshtje”.
Ndërkohë, Mbret Charles raportohet se i ka miratuar këto ndryshime, duke parë tek William dhe Kate arkitektët e një epoke të re për familjen mbretërore, një epokë më të hapur, më moderne, më të afërt dhe me një dinamikë dashurie dhe bashkimi që synon të rikthejë besimin dhe relevancën e monarkisë britanike.
About the Author
