Ish-deputetja thotë se nuk rri dot e mbyllur në shtëpi, por pranon se formati e tundos si zë kritik dhe i drejtpërdrejtë
Monika Kryemadhi ka folur hapur për mundësinë e përfshirjes së saj në Big Brother VIP Albania, gjatë një pyetjeje nga gazetarët e emisionit Andale. E pyetur nëse do të pranonte të hynte si banore në shtëpinë më të komentuar në Shqipëri, ajo u shpreh se një eksperiencë e tillë nuk është për karakterin e saj.
Sipas saj, Big Brother kërkon njerëz që rrinë gjatë të izoluar, ndërsa ajo vetë nuk duron dot mbylljen dhe mungesën e lirisë së lëvizjes. Megjithatë, Kryemadhi ka pranuar se roli i opinionistes do t’i pëlqente, sidomos për shkak të stilit të saj të drejtpërdrejtë dhe qëndrimeve të forta.
Ajo tha se koha e qasjeve të buta ka mbaruar dhe se publiku ka nevojë për analiza të qarta dhe konkrete. Sipas saj, në një rol komentator do të ndihmonte në futjen e publikut në temë dhe në analizimin real të dinamikave të lojës.
Edhe pse e pranon se mund të ishte interesante për këtë format, Kryemadhi shtoi se nuk është e sigurt sa shumë do t’i përshtatej produksionit, duke lënë të kuptohet se stili i saj shpesh mund të krijojë tensione.
Rreth asaj nëse kjo deklaratë do të merret parasysh nga produksioni, mbetet për t’u parë gjatë muajit dhjetor, kur priten njoftime të reja për sezonin e ardhshëm.
About the Author
