Në Tiranën e vitit 1942 do të binte në sy një çift mjaft i bukur, të sapomartuar .
Bianka de Korvin dhe Adem Balliçi.
Ai ishte një financier shqiptar, i shkolluar në Austri dhe i përfshirë në qarqet elitare të Austrisë dhe të Italisë të asaj periudhe , ndërsa ajo ishte një grua sharmante, konteshë austro-hungareze , me profesion gazetare. Ishin njohur dhe dashuruar gjatë pushimeve në Itali dhe menjëherë ishin martu dhe kishin vendos ta vijonin jetën në Shqipëri.
Por vetëm 4 vite lumturi do të kishin në jetën e tyre
Shqiperia nën regjimin komunist do të kthehej në një ferr për ta që nga viti 1946, kur do të arrestohej befas Bianka. Dita e arrestimit të saj do të shkatërronte nga themelet jetën e bukur që ata kishin ndërtu së bashku.
Bianka do të provonte në trupin e saj torturat më çnjerzore që mund ti bëheshin një gruaje, dëshmitë mbi torturat e saj të rënda , aq sa imagjinata e gjithkujt që i dëgjon do të ishte shumë larg atyre çka ajo përjetoi në atë ferr .
Më pranë realitetit mund të ketë qenë Ademi, cili pas daljes së saj nga burgu ku bëri 10 vite, sikur ishte spiune për amerikanët , do dëgjonte makthet e saj në gjumë apo do të shihte hartën e plagëve të pafund në gjithë trupin e saj .
Ishin njoh në ditë të bukra , plot pasion e ëndrra dhe po jetonin stinën e acartë në ferrin komunist .
About the Author
