Familja e Martin Canit dhe grupimi qytetar “Prindër për Arsim Cilësor” vendosën stolin përkujtimor kushtuar djalit të ndjerë, pas refuzimit të shkollës “Fan Noli” për ta vendosur atë në oborrin e institucionit arsimor.
Stoli u vendos pranë banesës së familjes Cani, në një ceremoni të thjeshtë, por të mbushur me simbolikë. Përfaqësues të grupimit deklaruan se data 28 Nëntor u zgjodh si një mesazh se atdhedashuria nis me kujdesin dhe përgjegjësinë ndaj njëri-tjetrit, e veçanërisht ndaj fëmijëve.
Sipas tyre, ngjarja tragjike e Martinit shërben si kujtesë dhe thirrje për rritjen e sigurisë në shkolla, ndërsa theksuan se angazhimi për të ngritur zërin ndaj institucioneve do të vazhdojë.
Ndërkohë, grupimi dhe familja janë ende në pritje të përgjigjes zyrtare nga Bashkia e Tiranës dhe ZVA, lidhur me kërkesën e tyre për vendosjen e stolit në oborrin e shkollës “Fan Noli”.
About the Author
