Postimi i fundit me Dragos Savulescun ndez sërish dilemat mbi fatin e martesës së tyre
Pas javësh spekulimesh të forta rreth ndarjes së mundshme mes Angela Martinit dhe Dragos Savulescut, modelja shqiptare ka reaguar në mënyrën më të drejtpërdrejtë: me fotografi pranë partnerit, të publikuara në ditëlindjen e djalit të tyre.
Raportimet e TMZ-së, sipas të cilave Angela kishte dorëzuar kërkesën për divorc, krijuan jehonë të madhe në mediat ndërkombëtare. Por lëvizja e saj e fundit ka shtuar misterin në vend që ta zbehë atë.
Ndërsa festonin ditëlindjen e Kyree Martini-Savulescu, Angela postoi imazhe të ngrohta familjare, duke lënë të kuptohet se marrëdhënia e tyre mund të mos ketë marrë fund. Nuk dihet nëse postimi ishte një gjest respekti për babain e djalit të saj, apo një sinjal se kriza është tejkaluar.
Në mesazhin e saj dedikuar Kyrees, Angela shprehu ndjenja të forta për fëmijën, duke e përshkruar si dritën dhe bekimin e jetës së tyre. Ajo theksoi se ardhja e tij ishte e veçantë që në momentin e parë, duke e cilësuar si një fëmijë të zgjedhur nga universi.
Dilema mbetet: ishte ky një rikthim i qetësisë në çift apo një moment i përkohshëm për hir të djalit? Përgjigjen e vërtetë duket se vetëm Angela dhe Dragos e dinë.
About the Author
