Pas një loje surprizë në BBVK, klipi i shfaqur tregoi Dolcen mes banorëve italianë në Itali
Një surprizë e papritur tronditi shtëpinë e “Big Brother VIP Kosova”. Vëllai i Madh i zbuloi Edit të vërtetën që ai priste prej ditësh: Dolce ndodhet në Itali, duke përjetuar eksperiencën e saj të re në “Grande Fratello”. Zbulimi erdhi jo të premten, siç ishte paralajmëruar, por përmes një loje ku nga çmimi i madh u shkurtuan 7 mijë euro për ta bërë momentin publik.
Në ekran u shfaq Dolce e qeshur dhe e integruar mes banorëve italianë, çka solli një reagim të përmbajtur nga Edi. I emocionuar dhe i habitur, ai u mjaftua me një fjali që ndezi diskutime në rrjete sociale: “Ishallah nuk dashurohet”.
Momenti u prit me reagime të forta në studio dhe në publik, ndërsa dinamika mes dyshes pritet të jetë një nga temat më të nxehta të ditëve në vijim. Përballja e pritshme e së premtes tashmë merr tjetër peshë, me ndjekësit që presin të shohin se si kjo histori do të ndikojë në lojën dhe emocionet brenda shtëpisë.
About the Author
