Kreu i PD u thirr në Prokurorinë e Posaçme në kuadër të detyrimit të paraqitjes për akuzën e korrupsionit pasiv
Kryetari i Partisë Demokratike, Sali Berisha, është paraqitur paraditen e së hënës në Prokurorinë e Posaçme, në zbatim të masës së sigurisë detyrim paraqitjeje, në kuadër të hetimeve që lidhen me dosjen e njohur si Partizani.
Ashtu si në paraqitjet e mëparshme, Berisha është pritur pranë ambienteve të SPAK nga mbështetës të tij, me të cilët ka shkëmbyer përshëndetje përpara hyrjes në institucionin e drejtësisë.
Ish-kryeministri është marrë zyrtarisht i pandehur për veprën penale të korrupsionit pasiv të kryer në bashkëpunim. Kjo paraqitje përbën një tjetër hap procedural në vijim të masës së vendosur ndaj tij nga autoritetet gjyqësore.
Hetimet për dosjen Partizani vijojnë, ndërsa SPAK pritet të ndërmarrë veprime të mëtejshme në kuadër të këtij procesi penal që ka qenë në qendër të debatit politik dhe publik.
About the Author
