Dy vëllezër shpallen në kërkim nga policia, vijojnë kontrollet intensive
Një konflikt i dhunshëm mes disa personave ka përfunduar me përdorimin e armës së zjarrit pasditen e së dielës në qytetin e Kukës, duke lënë të plagosur dy shtetas. Ngjarja ka ndodhur rreth orës 14:35, në rrethana që ende mbeten të paqarta.
Sipas njoftimit zyrtar të Policia e Shtetit, të plagosur kanë mbetur shtetasit A. C., 36 vjeç, dhe S. K., 65 vjeç, të cilët janë qëlluar me armë zjarri dhe janë transportuar për ndihmë mjekësore. Ende nuk ka informacion zyrtar mbi gjendjen e tyre shëndetësore.
Nga hetimet paraprake dyshohet se autorë të ngjarjes janë shtetasit F. I., 39 vjeç, dhe N. I., 38 vjeç, vëllezër, të cilët janë identifikuar nga policia dhe janë shpallur në kërkim. Forcat e rendit kanë intensifikuar kontrollet në zonë me qëllim lokalizimin dhe arrestimin e tyre.
Grupi hetimor ndodhet në vendngjarje dhe, nën drejtimin e Prokuroria, po punon për zbardhjen e plotë të rrethanave të konfliktit, si dhe për mbledhjen e provave që do t’i shërbejnë dokumentimit ligjor të rastit. Hetimet vijojnë.
About the Author
