Partia Demokratike dhe aleatët mblidhen në orën 18:00 duke e cilësuar tubimin si reagim qytetar kundër korrupsionit dhe bllokimit të drejtësisë
Partia Demokratike dhe forcat e saj aleate kanë thirrur një protestë kombëtare që do të zhvillohet sot, më 22 dhjetor, në orën 18:00, përpara Kryeministria e Shqipërisë në Tiranë.
Opozita u ka bërë thirrje qytetarëve nga e gjithë Shqipëria që t’i bashkohen tubimit, duke e konsideruar protestën si një reagim qytetar ndaj asaj që e cilëson si korrupsion qeveritar, përkeqësim të kushteve të jetesës, rritje të pasigurisë dhe mohim të zgjedhjeve të lira e të barabarta.
Në deklarimet e saj, opozita thekson se qëndrimi i kryeministrit Edi Rama për të bllokuar drejtësinë, si dhe mosdhënia e lejes për arrestimin e zv.kryeministres Belinda Balluku, kanë qenë faktorët kryesorë që e kanë shtyrë opozitën drejt organizimit të protestave.
Sipas drejtuesve të opozitës, protesta e sotme synon të jetë paqësore dhe të shërbejë si një thirrje për mbështetje të drejtësisë së pavarur, rikthimin e standardeve demokratike dhe hapjen e rrugës për një qeveri teknike që të garantojë zgjedhje të ndershme.
Organizatorët kanë deklaruar se tubimi do të jetë një shprehje e drejtpërdrejtë e pakënaqësisë qytetare dhe një mesazh politik ndaj qeverisë aktuale, në një moment që opozita e konsideron kritik për demokracinë dhe shtetin e së drejtës në vend.
About the Author
