Princi shmang puthjen e dorës nga autoritetet shtetërore, i pranishëm edhe presidenti i FIFA-s, Gianni Infantino
Pamje të pazakonta janë transmetuar nga mediat afrikane përpara ndeshjes hapëse të Kupës së Konfederatave të Afrikës, e zhvilluar në Marok. Në ceremoninë zyrtare të pritjes ishte i pranishëm Princi i Kurorës së Marokut, së bashku me përfaqësues të lartë të shtetit maroken dhe drejtues të futbollit botëror.
Sipas pamjeve të publikuara, disa autoritete shtetërore u përkulën për të përshëndetur Princin e Kurorës, duke tentuar t’i puthnin dorën, një gjest tradicional në disa raste protokollare. Megjithatë, Princi reagoi duke tërhequr dorën, duke shmangur këtë formë përshëndetjeje.
Në rreshtin e pritjes ishte i pranishëm edhe Gianni Infantino, presidenti i FIFA, i cili ndoqi nga afër momentin gjatë ceremonisë zyrtare.
Pamjet kanë tërhequr vëmendje të gjerë në rrjetet sociale dhe në mediat ndërkombëtare, duke nxitur diskutime mbi protokollin dhe simbolikën e këtij gjesti në një event sportiv me rëndësi kontinentale. Organizatorët nuk kanë dhënë një reagim zyrtar lidhur me situatën, ndërsa ceremonia vijoi normalisht pas këtij momenti.
About the Author
