Ekspertë mbretërorë dhe ish-punonjës të Pallatit zbulojnë pse lidhja mes tyre ishte e destinuar të dështonte
Martesa mes King Charles III dhe Princess Diana, e konsideruar dikur si një përrallë moderne, sot shihet nga ekspertët si një vendim i gabuar që nga fillimi. Sipas analizave të fundit, dy figurat mbretërore nuk kishin as përputhje karakteriale dhe as njohje reale me njëri-tjetrin përpara se të lidheshin në martesë.
Eksperti i çështjeve mbretërore Richard Fitzwilliams vlerëson se Diana ishte shumë e re dhe pa përvojë, ndërsa Charles ndodhej në një fazë krejt tjetër të jetës, me 13 vite diferencë moshe. Sipas tij, fakti që ishin personalitete krejtësisht të kundërta dhe që nuk e njihnin realisht njëri-tjetrin, e bëri martesën një keq-përputhje të thellë.
Ai thekson se lidhja nuk kishte baza të forta emocionale dhe se presioni i institucionit mbretëror e shtoi edhe më shumë hendekun mes tyre. Me kalimin e kohës, diferencat u shndërruan në konflikte të vazhdueshme.
Këtë tablo e përforcon edhe ish-butleri mbretëror Paul Burrell, i cili ka treguar më herët se debatet mes Charles dhe Dianës ishin të shpeshta dhe shpeshherë shpërthenin në skena të ashpra, sidomos gjatë fundjavave që kalonin së bashku. Ai përshkruan një klimë të mbushur me tension, debate të forta dhe përplasje emocionale nga të dyja palët.
Sot, me kalimin e viteve dhe me rrëfimet që dalin në dritë, martesa e Charles dhe Dianës shihet gjithnjë e më shumë si një bashkim i imponuar nga rrethanat, jo nga përputhja reale mes dy njerëzve, duke u shndërruar në një nga historitë më të dhimbshme të familjes mbretërore britanike.
About the Author
