Ylli i reality showt ndan emocionet në rrjete sociale dhe shpreh dashurinë për vajzën e saj më të vogël
Kim Kardashian ka festuar një moment të veçantë familjar, pasi vajza e saj më e vogël, Chicago West, ka mbushur 8 vjeç. Për këtë rast, Kim ka ndarë me ndjekësit e saj në Instagram disa foto nga fëmijëria e Chicagos, duke shoqëruar postimin me një dedikim emocional.
Ajo ka shprehur habinë se sa shpejt ka kaluar koha, duke theksuar se vajza e saj sjell gëzim, të qeshura dhe energji në jetën e familjes. Kim e ka përshkruar Chicagon si një fëmijë të veçantë, duke nënvizuar lidhjen e fortë emocionale mes tyre.
Përveç Chicagos, Kim është nënë edhe e vajzës North dhe e dy djemve Saint dhe Psalm, të cilët i ka nga martesa me ish-bashkëshortin e saj, Kanye West.
Urimi për ditëlindjen nuk ka munguar as nga gjyshja e Chicagos, Kris Jenner, e cila ka ndarë gjithashtu një mesazh të ngrohtë në rrjete sociale, duke theksuar se vitet po kalojnë shumë shpejt dhe duke i uruar mbesës së saj dashuri dhe lumturi.
About the Author
