Aktori dhe regjisori i mirënjohur Mevlan Shanaj ka reaguar pas deklaratave të Ramës për kritikat ndaj RTSH-së si dhe opsionin për mbylljen e RTSH-së.
Në një postim në Facebook, Shanaj i përmend vartësit, referuar skandaleve të fundit ku ku insitucionet shtetërore janë vënë nën hetim për shkelje të rënda ligjore.
“Më parë shkarko qeverinë që është bërë shumë pis”, shkruan Shanaj.
Postimi i plotë:
Më parë shkarko qeverinë që është bërë shumë pis.
Të dorëzohesh z. Kryeministër duke e braktisur RTSH do të thotë të mos kërkosh t’i bashkohesh Europës. Nuk ka shtet në Europë pa Televizion Publik. Më parë kërkoni dorëheqjen e stafit tuaj se sa mbylljen e Televizionit Publik.
Duhet të dini bashkë me ata që ju bëjnë fresk se Televizioni Shqiptar u krijua nga hiçi dhe u bë universiteti i dijes së shqiptareve edhe pse ishte nën komandën e politikës.
Fjala dorëzim është një miklim për artistin Edi Rama. Në Europë do t’u mbyllet dera me këtë mendësi.
About the Author
