Mbrojtja ajrore ukrainase deklaron se ka neutralizuar shumicën e dronëve rusë, por 22 prej tyre goditën gjashtë destinacione duke shkaktuar dëme të mëdha.

Forcat ajrore të Ukrainës kanë njoftuar se gjatë natës së kaluar Rusia ka nisur një valë masive sulmesh ajrore me dronë. Midis orës 20:00 dhe 09:00, janë lëshuar gjithsej 113 dronë, kryesisht të tipit Shahed.

Sipas raportit zyrtar, 89 prej tyre janë interceptuar me sukses, ndërsa 22 dronë arritën të godasin gjashtë objekte të ndryshme në territorin ukrainas.

Kjo është një ndër natët më intensive të sulmeve me dron që nga fillimi i verës, duke dëshmuar për strategjinë e Rusisë për të shënjestruar infrastrukturën dhe qytetet ukrainase me mjete të prodhimit iranian. Autoritetet paralajmërojnë se pavarësisht suksesit të mbrojtjes ajrore, rreziku për civilët dhe objektet jetike mbetet i lartë.