Policia identifikon dhe arreston brenda pak orësh autorin, automjeti i vjedhur gjendet dhe sekuestrohet
Një 45-vjeçar është arrestuar nga Policia e Vlorës pasi dyshohet se ka vjedhur një automjet gjatë orëve të natës. Ngjarja u zbulua pas kallëzimit të bërë nga një shtetase, e cila njoftoi se automjeti i saj ishte marrë pa autorizim.
Menjëherë pas denoncimit, shërbimet e Komisariatit të Policisë Vlorë organizuan veprime intensive për identifikimin e autorit. Falë reagimit të shpejtë dhe punës profesionale, në kuadër të operacionit policor të koduar Reagimi, u bë e mundur kapja dhe arrestimi i shtetasit S. K., 45 vjeç, banues në Vlorë.
Gjatë operacionit, policia gjeti dhe sekuestroi edhe automjetin e vjedhur, i cili do t’i kthehet pronarit të ligjshëm pas përfundimit të procedurave.
Materialet procedurale janë referuar pranë Prokurorisë pranë Gjykatës së Shkallës së Parë Vlorë për veprime të mëtejshme ligjore, ndërsa ndaj 45-vjeçarit rëndon akuza për veprën penale të vjedhjes.
About the Author
