I riu vodhi mbi 143 mijë lekë duke përdorur dhunë, u kap nga policia dy ditë pas ngjarjes dhe akuzohet për vjedhje me dhunë
Një grabitje e dhunshme e ndodhur në Shkodër ka përfunduar me arrestimin e autorit të dyshuar. Policia bën me dije se ka vënë në pranga një 27-vjeçar, i cili dyshohet se ka grabitur një institucion financiar duke kërcënuar punonjësit me një çekiç.
Sipas njoftimit zyrtar, shtetasi Gjionata Kola, banues në Shkodër, më datë 24 janar 2026, në lagjen Vojo Kushi, ka hyrë në ambientet e një institucioni financiar dhe, duke kanosur punonjësit me mjet të fortë, ka arritur të marrë shumën prej 143 500 lekësh.
Pas hetimeve intensive të kryera nga specialistët për Hetimin e Krimeve të Komisariatit të Policisë Shkodër, në bashkëpunim me Prokurorinë, autori u identifikua dhe u arrestua dy ditë pas ngjarjes.
Ndaj 27-vjeçarit rëndon akuza e vjedhjes me dhunë, ndërsa materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme ligjore.
Policia vijon punën për parandalimin e ngjarjeve kriminale dhe garantimin e sigurisë në institucionet financiare dhe hapësirat publike.
About the Author
