Dasma e yllit të pop dhe producentit muzikor mblodhi yje të botës së artit dhe u shënua nga një atmosferë intime dhe elegante
Një nga ngjarjet më të shumëpritura të vitit në botën e showbiz-it u mbajt këtë fundjavë, ku këngëtarja e famshme Selena Gomez dhe producenti muzikor Benny Blanco i thanë “po” njëri-tjetrit në një ceremoni elegante dhe intime.
Dasma, e zhvilluar të shtunën më 27 shtator, mblodhi rreth çiftit miq të ngushtë dhe emra të njohur të botës së artit e muzikës. Mes të pranishmëve u panë Taylor Swift, Ed Sheeran, Paris Hilton, si edhe aktorët Steve Martin dhe Martin Short, partnerë të Gomez në serialin “Only Murders in the Building“.
Vetë këngëtarja ndau menjëherë me fansat e saj një seri fotosh me efekt vintage, të realizuara në natyrë, ku çifti shfaqej i dashuruar dhe plot lumturi. Një moment që preku shumë admirues ishte një video ku Blanco i pëshpërit të dua nuses së tij para se ta puthte.
Komentet e urimeve vërshuan në rrjetet sociale. Camila Cabello shkroi: “Dashuria ju shkon kaq shumë”, ndërsa Lily Collins shtoi: “Ju dua shumë të dyve”. Edhe influencerja Taylen Biggs shprehu entuziazmin e saj me mesazhin: “Jam kaq e lumtur për ju!”.
Për këtë ditë të veçantë, Selena Gomez zgjodhi një fustan elegant sateni me shpinë të zbuluar dhe jakë të lartë me lule, dizajnuar nga Ralph Lauren. Ajo mbante në dorë një buqetë delikate me zambakë të luginës dhe i kompletoi me vathë Tiffany & Co., duke krijuar një pamje klasike, chic dhe romantike.
About the Author
