Screenshot
Tetë aktivistë, përfshirë një grua të veshur si Statuja e Lirisë, u arrestuan nga policia në Capitol Hill, gjatë një proteste paqësore për të drejtat e palestinezëve
Tetë protestues u arrestuan në shkallët e Capitol Hill në Washington DC, gjatë një demonstrimi paqësor në mbështetje të kauzës palestineze. Një nga figurat më të spikatura të protestës ishte një grua e veshur si Statuja e Lirisë, një simbol i fuqishëm i lirive dhe të drejtave civile në Amerikë. Ndërsa figura që simbolizon lirinë qëndronte përballë forcave të rendit, aktivistët u vunë në pranga për shkak të fjalës së tyre.
Sipas organizatorëve të protestës, qëllimi i tyre ishte të ngrejnë zërin kundër shtypjes dhe të kërkojnë drejtësi për popullin palestinez. Ata mbanin pankarta dhe slogane që i bënin thirrje ndërgjegjes amerikane të mos heshtë përballë padrejtësisë. Megjithatë, ndërhyrja e policisë dhe arrestimi i tyre, ngriti pyetje të ashpra mbi paradoksin amerikan: A është ende Amerika “Toka e Lirisë” kur protestuesi përfundon në pranga?
Në një postim që po qarkullon gjerësisht në rrjet, një nga aktivistët shkruan: “Ne thirrëm për humanizëm, ata thirrën policinë. Mbajtëm pankarta, na vunë në pranga. Amerikë, ku është liria jote nëse nuk mbron dot të vërtetën?”
Ngjarja ka rikthyer në vëmendje tensionin mes së drejtës për protestë dhe reagimit shtetëror ndaj zërave kritikë. Fotografia simbolike, ku Statuja e Lirisë arrestohet, është shndërruar në një mesazh të fortë vizual që sfidon narrativën e lirisë amerikane dhe i bën thirrje publikut të mos heshtë përballë padrejtësisë, kudo që ajo ndodh.
About the Author
