Një moment i çuditshëm në transmetim të drejtpërdrejtë bëhet viral, pasi presidenti amerikan e thërret kryeministrin britanik para botës dhe më pas e injoron plotësisht në skenë
Një episod i pazakontë diplomatik ka ndodhur gjatë samitit të paqes në Egjipt, ku presidenti amerikan Donald Tramp e vuri në një situatë të sikletshme kryeministrin britanik Keir Starmer, përpara dhjetëra liderëve botërorë dhe miliona shikuesve në mbarë botën.
Gjatë një konference të përbashkët për shtyp, Tramp ndaloi papritur fjalimin e tij dhe pyeti me zë të lartë ku është Mbretëria e Bashkuar. Starmer, i cili qëndronte menjëherë pas tij, bëri një hap përpara dhe u përgjigj me një ton të ndrojtur duke thënë këtu, ndërsa Trump e pa drejt e në sy dhe i tha hajde këtu.
Pasi i shtrëngoi dorën shkurt, Tramp e pyeti nëse gjithçka po shkonte mirë dhe shtoi se ishte shumë mirë që ai ishte aty. Por momenti u kthye në një skenë komike kur Tramp u kthye sërish nga mikrofoni dhe filloi të fliste sikur Starmer të mos ekzistonte më, duke e injoruar plotësisht praninë e tij. Kryeministri britanik, dukshëm në siklet, qëndroi për pak sekonda i ngrirë para se të largohej ngadalë drejt vendit të tij në rresht, me një shprehje të hutuar në fytyrë.
Pamjet u përhapën me shpejtësi në rrjetet sociale, ku komentuesit e cilësuan momentin si një poshtërim publik. Gazetarja britanike Carole Malone tha se skena tregonte se Starmer ishte bërë i parëndësishëm, ndërsa shumë të tjerë e quajtën jashtëzakonisht të sikletshëm.
Një përdorues në platformën X shkroi se Tramp sapo e kishte përmbysur të gjithë skenën politike, duke e kthyer Starmerin në një figurë dytësore në një ceremoni të quajtur të paqes. Ai e përshkroi momentin si një shfaqje politike që nuk mund të ishte skenarizuar më mirë.
Madje edhe inteligjenca artificiale e platformës X, Grok, publikoi një përshkrim të ngjarjes duke thënë se pamjet tregonin Trampin që e fton Starmerin në podium, i shtrëngon dorën shkurt, më pas i kthen shpinën dhe vazhdon të flasë, duke e lënë atë në një pozitë të sikletshme teksa tërhiqet.
Ky incident diplomatik, që ndodhi në një ngjarje kushtuar paqes në Lindjen e Mesme, ka ngritur pyetje mbi marrëdhëniet e ngurta mes Londrës dhe Uashingtonit, si dhe mbi rolin e ri të Mbretërisë së Bashkuar në arenën ndërkombëtare.
About the Author
