Deklarata e papritur e Erik Fullanit në një intervistë televizive ka ndezur rrjetet sociale, ndërsa fansat aludojnë se lidhja me Sara Hoxhën po shkon drejt martesës.
Personazhi i njohur i showbizit shqiptar, Erik Fullani, ka habitur publikun me një deklaratë të sinqertë dhe plot humor gjatë një interviste të fundit me Mira Kazhanin. Ai ka pranuar se tashmë është gati për t’u vendosur dhe për të ndërtuar një jetë më të qëndrueshme.
Kam vendosur të bëhem çun i mirë këtë herë. Dua të martohem, do bëj një dasmë shumë të madhe. E kam gjet edhe vendin, por nuk e them se kam hall se ma marrin, ka thënë ai me të qeshur, duke lënë të kuptohet se planet për martesë janë më serioze se kurrë.
Deklarata e tij ka ringjallur menjëherë diskutimet për marrëdhënien me producenten Sara Hoxha. Dyshja është parë disa herë bashkë në evente dhe dalje publike, por asnjëri prej tyre nuk e ka konfirmuar zyrtarisht lidhjen. Fotot e tyre në vende të ngjashme dhe mënyra si ndërveprojnë në rrjetet sociale kanë mjaftuar për të ndezur kuriozitetin e ndjekësve.
Megjithëse Fullani ka preferuar të mos zbulojë detaje për vendin e dasmës apo datën, burime pranë rrethit të tyre thonë se lidhja është bërë më e qëndrueshme dhe se çiftit i është dhënë prioritet ndaj zhurmës mediatike.
Sara Hoxha, e njohur si nënë e një vajze nga lidhja e mëparshme me reperin Ledri Vula, nuk ka komentuar ende për raportin me Erikun, por duket se të dy kanë gjetur ekuilibrin dhe qetësinë që kërkonin.
Fansat ndërkohë presin me kureshtje konfirmimin zyrtar dhe ndoshta detajet e dasmës që, sipas fjalëve të Fullanit, pritet të jetë një ndër më të bujshmet e showbizit shqiptar.
About the Author
