Pas një pauze të gjatë nga muzika dhe jeta publike, këngëtarja e njohur mund të rikthehet në skenën mediatike përmes spektaklit më të ndjekur në Kosovë.
Emri i Zanfina Ismailit është rikthyer sërish në qendër të vëmendjes, këtë herë jo për ndonjë projekt muzikor, por për mundësinë e hyrjes së saj në shtëpinë e “Big Brother VIP Kosova”. Thashethemet për përfshirjen e saj në edicionin e katërt të spektaklit po qarkullojnë prej disa ditësh në rrjetet sociale, duke ngjallur kuriozitet dhe reagime të shumta nga fansat.
Sipas mediave rozë në Kosovë, këngëtarja është një nga emrat që po përmendet në listën e personazheve të njohur që pritet t’i bashkohen programit. Megjithatë, as Zanfina dhe as produksioni i “BBVK” nuk kanë konfirmuar apo mohuar këto zëra.
Zanfina Ismaili, një ndër ikonat e muzikës shqiptare të viteve 2000, është e njohur për stilin e saj elegant, zërin karakteristik dhe jetën private të mbajtur larg bujës mediatike. Pjesëmarrja e saj në një format televiziv si “Big Brother VIP Kosova” do të përbënte një rikthim të shumëpritur për publikun që e ka ndjekur që në fillimet e karrierës.
Nëse lajmet rezultojnë të vërteta, hyrja e Zanfina Ismailit në shtëpinë më të famshme të Kosovës do të ishte një nga surprizat më të mëdha të këtij sezoni televiziv. Për momentin, mbetet për t’u parë nëse këngëtarja do të pranojë të rikthehet përmes një prej spektakleve më të komentuar të ekranit shqiptar.
About the Author
