Pas zërave të shumtë për një krisje në marrëdhënien e tyre, artistja Klea Huta zgjedh të flasë pa fjalë, por me një gjest simbolik që u kuptua nga të gjithë.
Prej disa ditësh, rrjetet sociale janë mbushur me thashetheme për ndarjen e mundshme të njërit prej çifteve më të njohur të showbizit shqiptar: Klea Huta dhe Elgit Doda. Spekulimet nisën pasi ndjekësit vunë re se çifti kishte fshirë shumicën e fotove të përbashkëta nga Instagrami, gjë që u interpretua menjëherë si shenjë e një ftohjeje në marrëdhënie.
Komentet dhe diskutimet u shtuan me shpejtësi, duke e kthyer këtë temë në një nga më të përfolurat e javës. Ndjekës të shumtë shpërndanë video, teori dhe reagime që përpiqeshin të zbulonin nëse Klea dhe Elgiti ishin ndarë vërtet apo thjesht po ruanin privatësinë.
Por reagimi i Klea Hutës erdhi në mënyrën më të qetë dhe më domethënëse të mundshme. Në një seri fotosh të reja, të publikuara në llogarinë e saj në Instagram, ajo shfaqet e qetë, e buzëqeshur dhe me një detaj që nuk mund t’i shpëtonte askujt, unaza e martesës në gishtin e saj.
Ky detaj u interpretua si një mesazh i qartë ndaj të gjitha zërave për ndarje. Me elegancën që e karakterizon, Klea nuk ka bërë asnjë deklaratë publike, por ka zgjedhur t’u përgjigjet fjalëve me gjuhën e heshtjes dhe një simbol dashurie që flet më shumë se çdo koment.
Për fansat e çiftit, ky gjest ishte konfirmimi që prisnin: Klea dhe Elgiti vazhdojnë bashkë, duke e ruajtur raportin e tyre larg zhurmës së rrjeteve sociale.
About the Author
