Studiuesi Agron Alibali i ftuar në Shqip në DritareTV tregoi historinë se si u shpëtua ekuipazhi me infermieret, avioni i të cilave u ul në Belsh në nëntor të 1943-shit, pasi kishte humbur rrugën dhe ishte qëlluar nga gjermanët. Studiuesi ndau me gazetaren Rudina Xhunga një fakt interesant nga kjo ngjarje e rëndësishme për shtetin shqiptar dhe të amerikan. Ai tregon se si një ditë pasi u shpëtuan 30 infermieret dhe stafi i avionit në Belsh, presidenti i asaj kohe Roosevelt urdhëroi qe të nxirrej pulla amerikane me flamurin shqiptar.

“Vetë presidenti Franklin Roosevelt u interesua drejtpërdrejt në fatin e infermiereve, avioni i të cilave u ul në Belsh në 1943-shin. Sepse frika ishte që gjermanët do t’i kapnin, do t’i çonin në Berlin dhe Hitleri do bënte paradën turpëruese për Amerikën. Do ishte turp edhe për Shqipërinë.

Po ju tregoj edhe një fakt interesant. Më 8 nëntor 1943, avioni me 30 infermierë dhe ekuipazh ulet në Belsh dhe ekuipazhi shpëtohet. Asokohe presidenti Roosevelt, kishte urdhëruar që shërbimi postar të nxirrte një mision me flamujt e shteteve të pushtuara, të cilat Amerika do t’i çlironte, pra Çekosllovakia, Jugosllavia, Polonia. Të nesërmen e uljes së avionit në Belsh, emetohet pulla me flamurin shqiptar. Është një koincidencë e jashtëzakonshme. Më 8 nëntor avioni ulet në Blesh, me 9 nëntor emërohet pulla amerikane me flamurin shqiptar.“, tha studiuesi në Shqip në DritareTv./K.C/dritare.net