Pas një periudhe mungese, artisti i njohur rikthehet në vëmendje përmes një postimi simbolik nga produksioni i tij muzikor, që ka ndezur pyetjet mbi një rikthim të mundshëm.
Produksioni muzikor Three 60 Music ka publikuar në rrjete sociale një foto të artistit Gjesti, i cili shfaqet i veshur tërësisht në të zeza, me një sfond misterioz, në ditën e Halloween. Ky postim i papritur ka ngjallur reagime të shumta nga ndjekësit e tij, që e kanë cilësuar si një shenjë rikthimi pas një periudhe të gjatë heshtjeje artistike.
Në komente, fansat kanë nisur të pyesin nëse ky është paralajmërimi i një projekti të ri apo simbolika e një faze të re në karrierën e tij. Vetë Gjesti nuk ka dhënë ende asnjë deklaratë, ndërsa produksioni ka zgjedhur të mos shoqërojë postimin me asnjë mbishkrim apo datë lançimi, duke lënë gjithçka të mbështjellë me mister.
Burime pranë rrethit të tij artistik thonë se Gjesti po përgatit diçka të ndryshe dhe më personale se kurrë më parë, ndërsa postimi i Three 60 Music mund të jetë sinjali i parë i kësaj rikthimi.
Deri atëherë, ndjekësit e tij po presin me padurim që errësira e Halloween të zbulojë dritën e një rikthimi të madh në skenën muzikore shqiptare.
About the Author
