Ish-zyrtari u dënua me 2.8 vite burg për korrupsion pasiv në çështjen e inceneratorit të Tiranës
Alqi Bllako, ish-sekretari i Përgjithshëm në Ministrinë e Mjedisit, ka lënë qelinë e burgut të Durrësit mbrëmjen e së martës, pas shpalljes së vendimit nga Gjykata e Posaçme Kundër Korrupsionit dhe Krimit të Organizuar. Trupi gjykues e deklaroi atë fajtor për korrupsion pasiv, duke e lidhur me përfitime financiare në aferën e inceneratorit të Tiranës.
Sipas vendimit, Bllako akuzohej për marrjen e përfitimeve në vlerën e rreth 119 mijë eurove dhe 7 milion lekëve. Në përfundim të procesit me gjykim të shkurtuar, dënimi iu reduktua në 2.8 vite burg. Meqenëse gjatë procesit nuk ishin vendosur masa të tjera sigurie, përfundimi i dënimit i mundësoi largimin nga qelia.
Çështja e inceneratorëve vijon të jetë ndër dosjet më të debatueshme në vend, ku përfshihen zyrtarë të lartë, ish-funksionarë publikë dhe kompani të përfshira në kontrata koncesionare. Bllako ka qenë një prej emrave më të lakuar në këtë hetim, ndërsa proceset gjyqësore për personat e tjerë të përfshirë janë ende në vijim.
About the Author
