Ilirjana Nano konfirmohet kryetare, ndërsa Ristani dhe Skënderi rikthehen si anëtarë.
Kuvendi ka votuar sot për përbërjen e Komisionit Rregullator në kuadër të Komisionit Qendror të Zgjedhjeve, duke miratuar vijimin dhe rikthimin e disa figurave të njohura në administrimin zgjedhor.
Me 116 vota pro, deputetët konfirmuan Ilirjana Nanon në krye të Komisionit Rregullator. Në të njëjtën seancë u votuan edhe anëtarët e tjerë të trupës, ku pjesë e saj mbeten Dritan Çaka dhe Helga Vukaj, të cilët morën shumicën e votave.
Ndërkohë, dy emra të tjerë i rikthehen institucionit: Bledar Skënderi dhe Arben Ristani, të cilët më herët kanë qenë pjesë e strukturave të KQZ. Të dy u votuan me mbështetje të gjerë parlamentare, me disa kundërshtime dhe abstenime.
Rezultatet e votimit:
• Ilirjana Nano – kryetare: 116 pro, 2 kundër, 2 abstenim
• Dritan Çaka – anëtar: 116 pro, 2 kundër, 2 abstenim
• Helga Vukaj – anëtare: 112 pro, 6 kundër, 3 abstenim
• Arben Ristani – anëtar: 111 pro, 7 kundër, 2 abstenim
• Bledar Skënderi – anëtar: 113 pro, 5 kundër, 1 abstenim
Vendimi konsolidon përbërjen e strukturës drejtuese të procesit zgjedhor, në një kohë kur KQZ përgatitet për fushatat e ardhshme dhe rishikimin e procedurave teknike të administrimit të votimit.
About the Author
