Paqëndrueshmëria globale, kërcënimet ndaj Iranit dhe pauza e Rezervës Federale shtyjnë investitorët drejt metaleve të çmuara
Çmimet e arit dhe argjendit kanë shënuar nivele historike, duke reflektuar rritjen e frikës gjeopolitike dhe pasigurinë ekonomike globale. Ari ka arritur rreth 176 800 dollarë për kilogram, ndërsa argjendi është ngjitur në afërsisht 3 860 dollarë për kilogram, duke u konsideruar gjithnjë e më shumë si asete strehë për investitorët.
Vetëm gjatë këtij viti, ari ka shënuar një rritje mbi 27 %, pas një viti 2025 ku çmimi ishte rritur me rreth 64 %. Rritja e fortë e metaleve të çmuara po nxitet nga tensionet në Lindjen e Mesme, veçanërisht pas deklaratave kërcënuese të presidentit amerikan Donald Tramp ndaj Iranit, si dhe nga vendimi i Federal Reserve për të mbajtur të pandryshuara normat e interesit.
Një faktor tjetër kyç është dobësimi i dollarit amerikan, blerjet e vazhdueshme të arit nga bankat qendrore dhe pritshmëritë për ulje të normave të interesit gjatë vitit 2026. Analistët theksojnë se metalet e çmuara po rivalizojnë tashmë edhe aksionet e mëdha teknologjike për nga vlera totale e tregut.
Sipas parashikimeve të institucioneve financiare ndërkombëtare, çmimi i arit mund të arrijë deri në 192 000 dollarë për kilogram në muajt e ardhshëm, nëse tensionet gjeopolitike dhe pasiguritë ekonomike vazhdojnë.
About the Author
