Një operacion i përbashkët i policisë greke dhe shqiptare çoi në arrestimin e nëntë personave dhe shpalljen në kërkim të tre të tjerëve, pjesë e një grupi kriminal që vidhte rroba nga dyqanet në Athinë dhe i shiste në një dyqan në Tiranë.
Bëhet me dije se grupi drejtohej nga 54-vjeçarja Oliota Lama 54-vjeçe dhe përfshinte anëtarë të familjes së saj. Autorët kryenin më shumë se një vjedhje në ditë, duke zgjedhur dyqane pa mekanizma mbrojtës ose duke përdorur pajisje speciale për heqjen e etiketave kundër vjedhjes.
Rrobat e vjedhura transportoheshin me autobus drejt Tiranës, ku shiteshin përmes dyqanit të grupit edhe përmes postimeve në Tiktok. Gjatë operacionit u sekuestruan mbi 71 mijë euro, një sasi e madhe rrobash të vjedhura, pajisje elektronike, magnetë anti-vjedhje dhe mjetet për heqjen e etiketave të sigurisë.
Si funksiononte organizata
Lidhur me mënyrën e funksionimit të organizatës kriminale, të pandehurit, të paktën që nga mesi i tetorit, kishin krijuar dhe ishin bashkuar me një organizatë kriminale që kryente vjedhje të spikatura të artikujve të veshjeve nga dyqanet në zonat e Athinës. Projektimi i organizatës kriminale me veprim ndërkufitar përfshinte dy grupe, një në Greqi dhe një në Shqipëri.
Grupi që vepronte në Greqi ishte përgjegjës për kryerjen e vjedhjeve të sasive të mëdha mallrash nga dyqanet, ndërsa udhëheqësja 54-vjeçare ishte përgjegjëse për dërgimin e mallrave të vjedhura, me ndihmën e anëtarëve të familjes së saj, me autobusë ndërqytetës në Tiranë, ku një i afërm tjetër i saj zotëronte një dyqan rrobash, me qëllim rishitjen e tyre.
Ndërsa, Grupi që vepronte në Shqipëri ishte përgjegjës për marrjen e rrobave dhe shitjen e tyre përmes dyqanit të veshjeve në fjalë në Tiranë, ndërsa shpesh postonte reklama për shitje veshjesh në mediat sociale me qëllim gjetjen e klientëve.
Planifikimi i grabitjeve
Anëtarët e organizatës që ishin përgjegjës për kryerjen e vjedhjeve u mblodhën në zonën e Tavros ku planifikuan veprimin e tyre dhe më pas, me një nga automjetet “operative” të organizatës, u nisën drejt dyqaneve të synuara. Pasi u kryen vjedhjet, të gjitha mallrat e vjedhura u mblodhën në një magazinë në zonën e Petralonës me qëllim dërgimin e tyre në Shqipëri.
Autorët e vjedhjeve kryenin më shumë se një vjedhje në ditë, ndërsa zgjidhnin kryesisht dyqane që ofronin mallra për shitje pa pajisje të bashkangjitura kundër vjedhjes. Edhe në rastet kur mallrat kishin një mekanizëm kundër vjedhjes, të pandehurit kishin fituar ekspertizë në heqjen e tyre duke përdorur një pajisje elektronike të posaçme, si dhe një magnet hekuri.
Autorët morën masa kundër-mbikëqyrjeje, si gjatë kryerjes së vjedhjeve ashtu edhe gjatë ngarkimit të automjeteve “operative” me mallrat e vjedhura, ndërsa në intervale të rregullta ata zëvendësuan disa nga automjetet e tyre “operative” të marra me qira.
Gjatë operacionit brenda shtëpive të të akuzuarve dhe në magazinën e organizatës, u gjetën dhe u sekuestruan sa vijon:
•Shuma prej 71.420 euro,
•Një numër i madh veshjesh të vjedhura,
•Një mori pajisjesh elektronike dhe telefonash celularë,
•7 magnetë anti-vjedhje
•Pajisje e posaçme për heqjen e etiketave të sigurisë kundër vjedhjes.
Të arrestuarit në Greqi janë:
Oliota Lama, 54 vjeç
Sami Lama, 63 vjeç
Leonard Lama, 33 vjeç
Vangjeli Mesi, 61 vjeç
Elidon Kamberi alias Donald Kamberi, 47 vjeç
Bledar Ademi, 48 vjeç
Edmond Sava, 61 vjeç
Iliana Sava, 62 vjeç
E arrestuar në Shqipëri:
Estela Kapo, 49 vjeç
Në kërkim:
Ervin Lama, 41 vjeç
Enerik Kapo, 30 vjeç
Emiliana Ademi, 34 vjeç
About the Author
