Shkrimtarja e serisë së famshme Shopaholic u diagnostikua në vitin 2022, familja njofton vdekjen me një mesazh prekës
Shkrimtarja britanike Sophie Kinsella, autore e njohur botërisht për sagën bestseller Shopaholic, ka ndërruar jetë në moshën 55-vjeçare pas një forme agresive të kancerit në tru. Familja e saj konfirmoi lajmin përmes një postimi prekës në Instagram, duke njoftuar se Kinsella u nda nga jeta e rrethuar nga familja dhe me paqe në ditët e fundit.
Autorja, emri i vërtetë i së cilës ishte Madeleine Wickham, zbuloi diagnozën në prill 2024, pasi kishte filluar të humbiste ekuilibrin, të rrëzohej shpesh dhe të përjetonte dhimbje të forta koke. Tumori u zbulua në fazë të avancuar dhe ajo ju nënshtrua një operacioni tetëorësh, pas të cilit nuk mbante mend as diagnozën e as ndërhyrjen. Megjithatë, sëmundja vazhdoi të përparonte.
Sophie Kinsella u bë e famshme me romanet Confessions of a Shopaholic, të cilat u kthyen në film në vitin 2009 me Isla Fisher në rolin kryesor. Librat e saj, të përkthyer në dhjetëra gjuhë dhe të shitur në miliona kopje, janë dashur nga publiku për stilin e lehtë, humorin dhe personazhet ikonike.
Në deklaratën e familjes thuhej se ajo u nda nga jeta e rrethuar nga muzikë, ngrohtësi dhe dashuri. Të afërmit e përshkruan si një grua plot jetë, mirënjohje dhe forcë të jashtëzakonshme. Ajo la pas pesë fëmijë dhe një trashëgimi letrare që vazhdon të ndikojë te lexuesit në mbarë botën.
About the Author
