Aeroplani që po fluturonte nga Londra drejt San Franciskos lëshoi sinjalin 7700 dhe u ul me urgjencë në Skoci, ku u prit nga shërbimet e emergjencës.
Një avion i United Airlines u detyrua të devijohej sot drejt Aeroportit të Edinburgh pas shpalljes së një emergjence gjatë fluturimit. Aeroplani ishte nisur nga Londra në orën 14:05 me destinacion San Franciskon, por gjatë udhëtimit u lëshua kodi 7700, një sinjal standard që tregon gjendje emergjente në bord.
Pas lëshimit të sinjalit, avioni ndryshoi kursin, duke u drejtuar në veri përtej Britanisë dhe më pas duke u kthyer drejt kryeqytetit skocez, ku u ul rreth orës 16:40. Sipas raportimeve të para, mjeti fluturues është pritur nga ekipet e emergjencës në pistë, megjithëse ende nuk është konfirmuar natyra e situatës që solli devijimin.
Ai pritej të kalonte Oqeanin Atlantik për të vazhduar drejt Kalifornisë, por vendimi për ulje të menjëhershme u mor pasi piloti raportoi emergjencën në sistemin e kontrollit të trafikut ajror. Informacione të tjera zyrtare mbi gjendjen e pasagjerëve apo arsyen e alarmit priten në vijim.
About the Author
