Mbrëmja e Champions League solli rezultate të forta dhe duele vendimtare në garën për kualifikim
Ndeshjet e mbrëmjes në Champions League prodhuan tension, gola dhe situata dramatike në disa prej fushave kryesore të Europës. Në Parc des Princes, Bayern Munich arriti një fitore me vlerë 1-2 ndaj PSG-së, në një sfidë ku ritmi dhe agresiviteti ishin prezent nga minuta e parë deri në të fundit. Luis Diaz shkëlqeu në pjesën e parë me dy gola, ndërsa më vonë la skuadrën me dhjetë lojtarë pas një kartoni të kuq. PSG u rikthye në lojë me golin e Neves, por nuk mundi të barazonte.
Liverpool fitoi minimalisht ndaj Real Madridit me golin vendimtar të Mac Allister, duke hedhur një hap të rëndësishëm drejt kualifikimit. Në Madrid, Atletico tregoi forcë dhe ritëm, duke mposhtur Royale Union me rezultatin 3-1. Ndërkohë, Tottenham dominoi në mënyrë të qartë, duke triumfuar 4-0 ndaj Copenhagenit.
Ndryshe ndodhi në Torino, ku dueli mes Juventusit dhe Sportingut u mbyll në barazim 1-1. Takimi ishte i balancuar, me të dyja skuadrat që kërkuan rezultatin deri në minutat e fundit, por asnjëra nuk arriti të marrë fitoren.
Rezultatet e plota
Atletico Madrid – Royale Union 3–1
Bodo/Glimt – Monaco 0–1
Juventus – Sporting 1–1
Liverpool – Real Madrid 1–0
Olympiacos – PSV 1–1
PSG – Bayern Munich 1–2
Tottenham – Copenhagen 4–0
About the Author
