Kreu i PD shkon sërish në Prokurorinë e Posaçme për detyrimin e paraqitjes në dosjen Partizani dhe godet ashpër drejtuesin e SPAK
Sali Berisha është paraqitur sot në SPAK, pavarësisht se e hëna është ditë pushimi zyrtare. Udhëheqësi i Partisë Demokratike vijon detyrimin e tij të paraqitjes në kuadër të hetimeve për çështjen Partizani, ku ai akuzohet për korrupsion pasiv të kryer në bashkëpunim. Kjo është një nga paraqitjet e radhës që ai kryen prej gati një viti.
Pas vizitës në Prokurorinë e Posaçme, Berisha është ndalur te mbështetësit e tij, duke dhënë një tjetër deklaratë kundër drejtuesit të SPAK, Altin Dumani. Ai publikoi mesazhin që thotë se ia ka lënë në zyrë kreut të institucionit, duke e cilësuar atë si kundërshtar të pluralizmit dhe përgjegjës për veprime të padrejta ndaj tij.
Ndërkohë, më 20 nëntor, Berisha ka depozituar një kërkesë në Gjykatën Kushtetuese ku kërkon shfuqizimin e masës së detyrimit për paraqitje, e cila u vendos nga Apeli më 3 janar 2025 dhe ka qenë në fuqi që prej asaj date. Vendimi i Kushtetueses pritet të përcaktojë nëse masa e sigurisë do të vazhdojë apo do të hiqet.
About the Author
