Zonja e Parë e Francës, Brigitte Macron, është kritikuar ashpër, pas një video që u bë virale në rrjet. Në video ajo kritikon protestueset feministe të organizatës NousToutes, të cilat protestonin jashtë teatrit Folies Bergère në Paris. Protestat nisën për shkak të rikthimit në skenë të aktorit Ari Abitan, i akuzuar në vitin 2021 për përdhunim, çështje që u pushua pas një hetimi trevjeçar.
Brigitte Macron i quajti ato “sales connes” (një shprehje vulgare e barabartë me “kurva të ndyera”). Aktivistet protestuan brenda dhe jashtë teatrit, duke mbajtur maska me fytyrën e aktorit dhe duke thërritur: “Abitan përdhunues!”. Pasi videoja “pushtoi” mediat, deputetja Sarah Legrain e kritikoi ashpër, ndërsa zëdhënësi i Zonjës së Parë sqaroi se komentet e saj kishin të bënin vetëm me metodat radikale të protestuesve që ndërprenë shfaqjen.
Brigitte Macron mori pjesë në shfaqje të dielën me vajzën e saj dhe foli me Abittan para se ai të dilte në skenë. Vërejtjes së aktorit se kishte frikë (“Kam frikë”), zonja e parë iu përgjigj me shaka: “Nëse ka ndonjë bushtër budallaqe, do t’i nxjerrim jashtë”, duke përdorur shprehjen vulgare të lartpërmendur.
Kjo frazë shkaktoi një reagim të ashpër: grupi feminist NousToutes, i cili ishte pas protestës, e shndërroi fyerjen në një hashtag në mediat sociale në mbështetje të saj. Ajo u përdor, në veçanti, nga aktorja Judith Godrèche, e cila u bë një ikonë e lëvizjes feministe pasi akuzoi dy regjisorë për sulm seksual, duke shkruar në Instagram: “Edhe unë jam një bushtër budallaqe”. Një aktiviste që mori pjesë në veprim deklaroi se kolektivi ishte “thellësisht i tronditur” nga fjalët e zonjës së parë, duke e quajtur atë “një tjetër fyerje për grupet feministe”
About the Author
