Ministra britanikë njoftojnë se refugjatëve shqiptarë pa leje qëndrimi do t’u ofrohet pagesë për të lënë vendin, ndërsa paketat për azilkërkuesit refuzuar do të aplikohen edhe për fëmijët e lindur në ishull
Autoritetet britanike paralajmërojnë se rreth 700 familje shqiptare, të përfshira në listën e atyre që do të deportohen pasi iu ka përfunduar e drejta e qëndrimit, mund t’u ofrohen më shumë se 3 000 paund për të pranuar largimin vullnetar nga Britania e Madhe. Sipas zyrtarëve, kjo shumë është menduar si kompensim dhe si nxitje për tkurrjen e kostove të taksapaguesve për mbajtjen e personave pa status ligjor.
Në një deklaratë për median, zv/ministri për Sigurinë e Kufijve, Alex Norris, tha se “për momentin mund t’u paguajmë rreth 3 000 stërlina” dhe shtoi se nuk kërkon falje për këtë masë. Ai nuk deshi të zbulojë sasinë e saktë që do t’u ofrohet familjeve, duke lënë mënjanë detaje të mëtejshme.
Ky lajm vjen pasi Shqipëria dhe Britania nënshkruan më 2022 një marrëveshje riatdhesimi, dhe pas njoftimeve të qeverisë britanike për zbatimin e reformave të emigracionit. Ministrja e Brendshme, Shabana Mahmood, ka deklaruar se politikat e reja synojnë dëbimin e atyre që nuk kanë të drejtë qëndrimi, përfshirë edhe fëmijët e lindur në ishull edhe nëse kanë kërkuar azil e janë refuzuar.
Analistët dhe aktivistët e refugjatëve paralajmërojnë se ndërmarrja e masave ka potencial për të prekur qindra familje, ndërsa disa nga fëmijët mund të ndodhen në situatë të ndjeshme sociale dhe juridike.
About the Author
