Në emision shpërthen debati: disa të rinj normalizojnë grabitjet, Capezzone u përgjigjet se vendi i tyre është burgu
Krimi dhe ilegaliteti paraqiten si mënyra e vetme për të siguruar bukën e gojës. Në kurriz të italianëve të ndershëm që zgjohen në mëngjes dhe shkojnë në punë. Kështu e paraqesin veten “maranza”, të rinj me origjinë të huaj, shpesh nga Afrika e Veriut, të lindur në Itali dhe të përfshirë shpesh në kronikat e ngjarjeve në Milano dhe në veri të vendit, ku fenomeni prej kohësh konsiderohet alarmues. Një grup përfaqësues i tyre ishte i ftuar te Paolo Del Debbio në emisionin Dritto e Rovescio, në Rete 4 të enjten më 4 dhjetor. Sipas mënyrës si argumentonin, nuk ekziston alternativë tjetër përveç kriminalitetit.
Pikërisht këtë teori, të papranueshme dhe të rrezikshme, e rrëzon drejtori i Il Tempo, Daniele Capezzone: Duhet të shkosh shpejt në burg, po ta jap unë këtë lajm. Nëse bën grabitje, ka vetëm një vend për ty, burgu. Nëse ke nevojë për para, zgjohesh herët në mëngjes, punon fort dhe shkon të punosh, ashtu si kanë bërë breza të tërë.
Ndërkohë bashkëbiseduesi bën manovra për t’u justifikuar: Po flas në përgjithësi, sepse në moshën 14-vjeçare nuk mund të punosh, nuk është se vdes nga uria në shtëpi. Capezzone i përgjigjet: Atëherë shko studio, vendos alarmin herët dhe shko të studiosh, është koncept i thjeshtë.
Por i riu këmbëngul se rruga e paligjshme është e vetmja e mundshme. Capezzone reagon ashpër: Ti po jep mesazhin që kush çohet në mëngjes për të studiuar ose për të punuar është budalla, sepse inteligjenti qenke ti që shkon të grabitësh.”Por çfarë po flisni, jeni në terezi?”
Videoja e momentit qarkullon në rrjetet sociale, ku Capezzone dëgjohet duke thënë: Duhet të shkosh në burg shpejt nëse bën grabitje. Nëse ke nevojë për para, zgjohesh herët, punon fort dhe shkon të punosh.
Problemi nuk është vetëm individual, por edhe social dhe në një farë mase politik. Capezzone vazhdon: Mendimi se je i zgjuar mund të ndihmojë, por të mendosh se të tjerët janë budallenj është një gabim i rëndë. Italianët nuk janë budallenj dhe kanë kuptuar dy gjëra: që ju keni një raport të rrezikshëm me dhunën dhe që politikanët e majtë e aktivistët shpesh e kanë të vështirë ta dënojnë dhunën. Jeni ambiguu.
Një i ri i pranishëm në studio atëherë shkon edhe më tej: A është e drejtë ajo që bëri zonja Sardone, që lavdëroi karabinierët që vranë një djalë? duke iu referuar çështjes Ramy. Eurodeputetja e Legës, e pranishme gjithashtu, ndërhyn: Por ata nuk kanë vrarë një djalë, duke iu referuar karabinierëve të hetuar për ndjekjen që përfundoi në tragjedi. Ndërsa moderatori Del Debbio shton: Ka një proces në zhvillim.
About the Author
