Dosja për tenderat e ARRSH shkon në gjyq, mes të pandehurve edhe Valter Begaj me akuza për mashtrim dhe korrupsion aktiv
Dosja penale ndaj Ervis Berberit është kaluar zyrtarisht për gjykim, së bashku me disa të pandehur të tjerë të përfshirë në hetimet për abuzime me tenderat e Autoritetit Rrugor Shqiptar. Berberi përballet me akuzat për korrupsion, pastrim produktesh kriminale dhe shkelje të barazisë në tendera, ndërsa hetuesit pretendojnë se janë identifikuar procedura të favorizuara dhe përfitime të dyshimta financiare.
Në listën e të pandehurve është edhe Valter Begaj, i cili akuzohet për korrupsion aktiv, mashtrim me pasoja të rënda dhe pastrim parash. Kalimi i çështjes në gjyq shënon fazën e radhës së procesit, ndërsa pritet që seancat të zbardhin skemën e dyshuar të abuzimeve me tendera publikë dhe përfshirjen e personave të lidhur me kontraktimin dhe procedurat e financimit.
Prokuroria pretendon se gjatë hetimeve janë mbledhur prova që tregojnë ndërhyrje të paligjshme në prokurimet publike dhe përfitime personale në dëm të buxhetit të shtetit. Tani, vendimi final do të mbetet në dorë të gjykatës, e cila do të shqyrtojë materialet dhe dëshmitë e deritanishme.
About the Author
