Kreshniku i dhuron këngëtares një Rolls Royce me vlerë marramendëse, ndërsa reagimet e fansave pushtojnë rrjetet sociale.
Dafina Zeqiri ka tërhequr vëmendjen e publikut me një surprizë që ka kaluar çdo pritshmëri. Bashkëshorti i saj, Kreshniku, e ka befasuar artisten me një Rolls Royce të ri, një nga makinat më prestigjioze dhe më të shtrenjta në treg, me vlerë që arrin deri në rreth gjysmë milioni euro.
Këngëtarja ka ndarë pamjet e veturës në Instagram, ku shfaqet e emocionuar, ndërsa në video ka lënë edhe një mesazh që bëri menjëherë xhiron e rrjetit: Ai erdhi me makinën e tij dhe u sigurua që unë kurrë të mos udhëtoj me diçka më pak.
Postimi u përhap me shpejtësi të jashtëzakonshme, duke u kthyer në temë të ditës në showbiz-in shqiptar. Komentet e urimeve, komplimentet dhe vlerësimet për gjestin e Kreshnikut vërshuan menjëherë, me fansa që e përshkruan surprizën si një nga më romantiket e kohëve të fundit.
Dafina dhe Kreshniku, prindër të një djali, prej kohësh komentohen për lidhjen e fortë dhe harmoninë e tyre familjare. Dhurata mbresëlënëse shihet nga shumë prej ndjekësve si një tjetër dëshmi e dashurisë dhe mbështetjes që çifti ka ndërtuar, duke i shtuar një tjetër element shkëlqimi jetës së tyre në sytë e publikut.
About the Author
