Burime nga organi i posaçëm bëjnë me dije se deputeti i PD-së është thirrur në kuadër të një procedure hetimore, ndërsa ende nuk dihet arsyeja zyrtare e paraqitjes së tij.
Deputeti i Partisë Demokratike, Bledion Nallbati, është paraqitur mëngjesin e sotëm në ambientet e Prokurorisë së Posaçme Kundër Korrupsionit dhe Krimit të Organizuar (SPAK).
Burime nga institucioni bëjnë me dije se Nallbati është thirrur në lidhje me një çështje që po hetohet nga prokurorët e posaçëm, megjithëse detajet e dosjes nuk janë bërë ende publike.
Deputeti demokrat nuk ka dhënë deklarata për mediat në hyrje të SPAK, duke zgjedhur të mos komentojë mbi arsyen e thirrjes.
Kjo paraqitje vjen në një periudhë kur institucioni i drejtësisë së posaçme ka intensifikuar hetimet ndaj disa zyrtarëve dhe ish-zyrtarëve të niveleve të ndryshme, në kuadër të përpjekjeve për të forcuar luftën kundër korrupsionit dhe abuzimit me detyrën.
Ende mbetet për t’u parë nëse Nallbati është thirrur si person në hetim apo për të dhënë shpjegime në cilësinë e dëshmitarit.
About the Author
