Skuadra verdheblu e Elbasanit ka triumfuar në transfertën ndaj Flamurtarit, duke marrë tre pikë të arta që e ngjisin në vendin e parë të renditjes, ndërsa vlonjatët zhytën edhe më tej situatën e tyre të vështirë.
Në stadiumin e Vlorës, Elbasani doli fitues me rezultatin 1-0 ndaj Flamurtarit, në një ndeshje të luftuar dhe me shumë tension si në fushë ashtu edhe në shkallët e stadiumit. Golin e vetëm të takimit e realizoi Lajthia në minutën e 62-të, pas një goditjeje me kokë që la të shtangur portierin vendas.
Flamurtari kërkoi me ngulm barazimin dhe protestoi për disa episode, përfshirë një rast të dyshimtë për penallti në minutën e 81-të. Gjyqtari Albert Doda fillimisht akordoi penallti, por pas ndërhyrjes së sistemit VAR, vendimi u ndryshua dhe loja u vazhdua.
Pas javës së dhjetë të kampionatit, Elbasani merr kreun e renditjes me 20 pikë, duke kaluar rivalët direkt, ndërsa Flamurtari mbetet në fund me vetëm 5 pikë dhe asnjë shenjë përmirësimi.
Për javën e ardhshme, pritet me interes dueli mes Egnatias dhe Vllaznisë, që do të përcaktojë më qartë rivalitetin për kreun e tabelës.
About the Author
