Deputeti i PS ngre shqetësimin për konfliktin e interesit dhe standardet e përdorura ndaj ligjvënësve në raport me drejtuesit ekzekutivë
Deputeti Erion Braçe ka ngritur shqetësime të forta në Komisionin e Ekonomisë lidhur me mënyrën se si trajtohet konflikti i interesit për deputetët dhe me standardet e jetesës së përfaqësuesve të Kuvendit. Ai theksoi se roli i deputetit është i përcaktuar qartë në Kushtetutë dhe nuk mund të ngatërrohet me përgjegjësitë e një drejtori apo të një agjencie ekzekutive që menaxhon tendera dhe fonde publike për vite me radhë.
Sipas tij, nuk është e logjikshme që për të gjithë të vendoset një ndalim njëvjeçar pas largimit nga detyra, pasi situatat janë të ndryshme dhe kërkojnë analizë më të thellë. Braçe ndaloi edhe te çështja e stilit të jetesës së deputetëve, duke sjellë shembuj të veshjeve me çmime të larta, të cilat sipas tij shfaqin pabarazi dhe mund të krijojnë keqkuptime të panevojshme.
Ai shtoi se deputetëve u ndalohet kryerja e çdo detyre tjetër, përveç dhënies së mendimit si ligjvënës, ndërsa theksoi se ata që vijnë nga zonat rurale e kanë të drejtën të shfrytëzojnë tokën e tyre, për sa kohë deklarojnë të ardhurat dhe respektojnë ligjin.
Braçe rikujtoi se disa kategori janë përfshirë në ligjin për kontrollin e pasurive, por jo të gjitha lidhen me tatimet apo doganat, ndërsa nënvizoi se debati publik shpesh fokusohet vetëm te deputetët, duke lënë jashtë vëmendjes drejtues të tjerë që menaxhojnë fonde të mëdha.
About the Author
