Hedhja e sendeve nga disa tifozë sjell dënimin financiar prej 2250 frangash për Federatën
Federata Shqiptare e Futbollit është ndëshkuar nga FIFA me 2250 franga zvicerane për incidentet e regjistruara gjatë ndeshjes Shqipëri–Angli në stadiumin Air Albania. Disa tifozë kanë hedhur sende drejt fushës, një veprim që u raportua dhe u sanksionua nga organet disiplinore.
Takimi u mbyll me rezultatin 0–2 në favor të Anglisë dhe shënoi fundin e ndeshjeve të Grupit K për Botërorin 2026. Edhe pse gjoba konsiderohet simbolike krahasuar me dënime të mëparshme, FSHF reagoi duke theksuar se çdo shkelje përbën një goditje për imazhin e futbollit shqiptar.
FSHF deklaroi se objektivi mbetet i pandryshuar: stadiume pa incidente dhe një kulturë tifozërie që respekton standardet ndërkombëtare. Federata nënvizoi se edhe një episod i vetëm dëmton përpjekjen për të qenë mes tifozerive më të respektuara në arenën ndërkombëtare dhe të shmangen dënimet e panevojshme.
Në deklaratë theksohet rëndësia e sjelljes së rregullt në çdo ndeshje, si brenda vendit ashtu edhe jashtë, për të mbrojtur futbollin dhe për të ruajtur standardet që kërkon pjesëmarrja në garat më të mëdha.
About the Author
