Kthimi i fundvitit rrit ndjeshëm hyrjet në port dhe në kufirin me Greqinë, me pritje të gjata sidomos në anën greke
Kthimi i emigrantëve shqiptarë për festat e fundvitit ka sjellë një fluks të shtuar pasagjerësh në Porti i Vlorës dhe në pikat kufitare tokësore me Greqinë. Autoritetet raportojnë lëvizje intensive gjatë fundjavës, me rritje të ndjeshme të hyrjeve dhe radhë të gjata pritjeje.
Në Portin e Vlorës, këtë të diel mbërriti trageti European Star nga Brindisi, duke transportuar 692 pasagjerë dhe 45 anëtarë ekuipazhi. Bashkë me udhëtarët u transportuan edhe 147 automjete, si dhe mjete të tjera. Sipas autoriteteve portuale, procedurat u zhvilluan normalisht dhe pa probleme.
Ndërkohë, fluks i shtuar është shënuar edhe në pikën kufitare të Kakavijë, ku emigrantët që vijnë nga Greqia po kthehen drejt Shqipërisë për të festuar pranë familjarëve. Gjatë fundjavës janë regjistruar rritje të hyrjeve si të automjeteve ashtu edhe të këmbësorëve, duke shkaktuar radhë të gjata pritjeje, veçanërisht në anën greke të kufirit.
Autoritetet kufitare apelojnë për durim dhe planifikim të udhëtimeve, ndërsa pritet që fluksi të vijojë të jetë i lartë edhe në ditët në vijim, në prag të festave.
About the Author
