55 kilogramë ar dhe miliona euro të sekuestruara, 15 persona në pranga dhe 11 të burgosur, në një operacion të përbashkët ndërkombëtar
Një operacion i gjerë i autoriteteve franceze dhe italiane ka çuar në shkatërrimin e një rrjeti ndërkombëtar pastrimi parash që shërbente për bandat e drogës në Marseille, përfshirë edhe grupimin famëkeq “DZ Mafia”. Gjatë aksionit, xhandarmëria franceze sekuestroi mbi disa milionë euro dhe 55 kilogramë ar, duke e cilësuar rastin si një çështje me karakter të jashtëzakonshëm.
Në total, 15 persona u arrestuan, ndërsa 11 prej tyre u vendosën nën masën e sigurisë së paraburgimit. Hetimet zbuluan se organizatorët kryesorë të skemës ndodheshin në Itali, ku kishin ngritur një fonderi të dedikuar për pastrimin e të ardhurave kriminale. Kjo strukturë u ofronte shërbime trafikantëve francezë dhe të huaj, duke ndërtuar një mekanizëm të sofistikuar që funksiononte si një zinxhir prodhimi.
Operacioni i zhvilluar në shtator nga Seksioni i Kërkimeve të xhandarmërisë së Marseille shënon një goditje të fortë ndaj ekonomisë kriminale, duke nxjerrë në pah dimensionet ndërkombëtare të trafikut të drogës dhe pastrimit të parave në Evropë.
About the Author
