Pavarësisht armëpushimit, banorët e Gazës përballen me uri, mungesë uji dhe vonesa të ndihmave që po thellojnë krizën humanitare.
Një javë pas shpalljes së armëpushimit, situata humanitare në Rripin e Gazës mbetet dramatike. Banorët palestinezë raportojnë mungesë ekstreme ushqimi, uji dhe ndihmash bazike, ndërsa autoritetet izraelite po vonojnë hapjen e pikës kufitare të Rafahut me Egjiptin, rruga e vetme për hyrjen e ndihmave dhe lëvizjen e njerëzve.
Sipas agjencive ndërkombëtare, ndihmat që kanë hyrë deri tani janë të pamjaftueshme për nevojat e më shumë se dy milionë banorëve të izoluar. Në të njëjtën kohë, presidenti amerikan Donald Trump ka lëshuar një paralajmërim të ashpër ndaj Hamasit, duke deklaruar se nëse sulmet rifillojnë, SHBA nuk do të qëndrojë duarkryq, pa dhënë detaje të tjera për ndërhyrje të mundshme.
Që nga tetori i vitit 2023, lufta në Gaza ka shkaktuar mbi 67 mijë viktima palestineze dhe më shumë se 170 mijë të plagosur, ndërsa shkatërrimi i infrastrukturës ka bërë që edhe pas armëpushimit, jeta në enklavë të mbetet në kufijtë e mbijetesës.
About the Author
