Ish-besniku i Lulzim Bashës hyn në garë si i pavarur, me thirrje për bashkim të së djathtës dhe rikthim të besimit te qytetarët
Në Vlorë, zgjedhjet lokale po marrin ngjyrime të reja politike. Pas një kohe të gjatë heshtjeje në kampin e djathtë, Gjergj Nika, i njohur nga qytetarët si përkrahësi i Lulëzim Bashës, ka shpallur zyrtarisht kandidaturën e tij për kryetar bashkie.
Nika, dikur pjesë e rrethit të ngushtë të Lulzim Bashës, ka vendosur të garojë si kandidat i pavarur, duke u distancuar nga strukturat zyrtare të Partisë Demokratike. Ai thotë se vendimi i tij buron nga mungesa e përfaqësimit të së djathtës dhe nevoja për të rikthyer zërin e atyre që ndihen të përjashtuar.
“Nuk mund të qëndroj më spektator teksa e djathta shuhet mes përçarjeve dhe harresës. Vlora meriton një zë të ndershëm, të pavarur dhe me dashuri për qytetin”, deklaron Nika.
Me këtë lëvizje, Nika kërkon të bashkojë të gjithë ata që ndihen jashtë lojës politike, duke premtuar një garë që do të rikthejë besimin e humbur tek opozita lokale. Kjo kandidaturë shihet si një përpjekje për të ringjallur frymën opozitare në një qytet ku të djathtët kanë mbetur për vite me radhë pa përfaqësim real.
About the Author
